|
|
12.01.2010 18:21:52 / hallasg
Dásamlegt alveg, Nútímabörn og biblíusögurnar !
Ritgerð eftir barn í grunnskóla:
Sá sem hefur orðið frægastur úr Biblíunni er Jesús. Hann var frá Nazaret í
Egyptalandi. Hann fæddist á jólanótt í fjósi, vegna þess að öll hótel voru
full.
Mamma hans hét María og stjúppabbi hans Jósef.
Hann var ekki raunverulegur pabbi Jesú, því María var áður gift einhverjum
Gabríel, en hann var floginn í burtu.
Þegar Jesús var nýfæddur áttu þrír jólaveinar leið fram hjá fjósinu og þegar
þeir sáu litla barnið, náðu þeir í nokkrar jólagjafir og reykelsi handa
hjónunum, en það veitti sannarlega ekki af þar sem þau höfðu ferðast allan
daginn á asna, af því að það átti að telja þau.
Jesús var ekki skírður fyrr en seinna, því í þá daga voru börnin ekki skírð
fyrr en þau voru orðin fullorðin og höfðu lært að synda, því þau voru
nefnilega alveg færð í kaf.
Þegar Jesús varð átta ára gaf pabbi hans honum Biblíu, og þegar hann var
tólf ára kunni hann hana utan að, og það var vel af sér vikið, því í þá daga
var Biblían svo stór að það varð að vefja hana upp á kefli.
Jesús gerði mikið fyrir umferðina. Einu sinni þegar hann var á gangi í
Jerúsalem, mætti hann lömuðum manni sem lá í rúminu sínu úti á miðri götu.
Jesús sagði: "Tak sæng þína og gakk." Maðurinn gerði það og þá gátu bílarnir
aftur komist leiðar sinnar...
Það þarf sennilega eitthvað að athuga bækurnar sem blessuð börnin eru að læra af, en sagan var góð...
»
11.01.2010 23:11:41 / hallasg
... gleðilegt ár öllsömul ! Jæja, ég fór nú í og með hérna inn til að athuga hvort ég myndi hvernig innskráningin er... muahhaha eins og sést tókst það. ég hef aftur á móti ekkert skemmtilegt að segja svosem, er bara eiginlega tóm og hugmyndalaus akkúrat eins og er ....
En núna, fyrst að ég sé að ég get allavega ennþá komist hérna inn, hver veit, kannski fer ég að skrifa eitthvað meira
»
21.06.2009 01:03:25 / hallasg
Ég fann þetta á netinu áðan og fannst þetta svooo sjúklega fyndið að ég stal því ! Murphy's Lesser Known Laws 1. Light travels faster than sound. This is why some people appear bright until you hear them speak. 2. Change is inevitable, except from a vending machine. 3. Those who live by the sword---- get shot by those who don't.  4. Nothing is foolproof to a sufficiently talented fool. 5. The 50-50-90 rule: ---Anytime you have a 50-50 chance of getting something right,---- there's a 90% probability you'll get it wrong. 6. If you lined up all the cars in the world end to end, someone would be stupid enough to try to pass them, five or six at a time---- on a hill, ----in the fog. 7. The things that come to those who wait ---- will be the scraggly junk left by those who got there first. 8. The shin bone is a device for finding furniture in a dark room. 9. A fine is a tax for doing wrong. A tax is a fine for doing well. 10. When you go into court, you are putting yourself into the hands of 12 people who---- weren't smart enough to get out of jury duty.
»
30.03.2009 21:20:38 / hallasg
Einhvertíma í fyrndinni las ég leikrit í ensku. Það var eftir Oscar Wilde minnir mig og einn karakterinn var handtaska. Þegar ég var að pilla mig heim í dag varð mér hugsað til þessarar persónu. Ég held nefnilega kannski að mig megi sálgreina eftir innihaldi töskunnar minnar. Maðurinn minn horfir forviða á mig þegar ég sveifla töskunni með tilheyrandi miðflóttarafli upp á öxlina á morgnana (aflið er nauðsynlegt til að taskan drífi alla leið). Hann skilur ekki þetta með töskuna, hvorki stærðina né innihaldið. Hann fattar ekki að ef kreppan eykst og við yrðum nú heimilislaus mætti alltaf koma allri fjölskyldunni ofaní töskuna,ásamt amerískum ísskáp, og jafnvel negla póstkassa utaná hana. Og fá svo bara ruslatunnu fyrir utan.
Ég mætti einum vinnufélaga mínum í eldhúsinu þar sem ég var að snarast út, honum varð litið á töskuna mína og fór eitthvað að hafa orð á innihaldinu. Við komumst að því að sennilega væri þetta gott efni í mannfræðirannsókn. Við minntumst þess bæði að kona hér í bænum framdi rannsókn um daginn á því hvernig konur væru snyrtar að neðan á ýmsum sundstöðum á höfuðborgarsvæðinu. Hún komst að því að "neðanhársnyrting" var hverfisskipt. Hvaða niðurstaða fengist til dæmis ef allar konur týndu allt góssið upp úr töskunum sínum ? Ég ákvað að opna mig og töskuna mína alveg upp á gátt og setja hérna inn hvað er í minni,
taska Höllu 30. mars 2009
- Peningaveski með 500 króna seðli, klinki og debetkorti. Og óteljandi miðum úr búðarferðum
- leðurhanskar, annar með gati við þumalinn
- gsm-síminn minn
- peningaveski Söndru ( geymt hjá mér til að eigandinn eyði ekki peningunum sínum, hún er að safna sér fyrir línuskautum)
- Permanent marker, ( svartur, breiður, úr húsbyggingarkitinu)
- greiðsluseðill fyrir leikskólann fyrir næsta mánuð
- Ipodinn minn ( elska hann út af lífinu)
- grænn mjór borði ( hef ekki hugmynd um af hverju hann er þarna, óskiljanlegt)
- 2 pk Kleenex snýtubréf
- snyrtibudda ( með ótrúlegu magni af dóti sem er næstum aldrei notað hehe)
- 2 gloss ( Halla vinkona væri stolt af mér núna )
- 1 dömubindi
- skinn-inniskór Björns Gylfa
- augndropar
- ilmvatn
- augnhárakrumpari ( vítisvél, ég er ekki að grínast )
- Hárspenna
- sólarpúður
- otrivin mentol nefúði
- hárgums eitthvað til að temja tryllt hár
- tvinnakefli með appelsínugulum tvinna ( sem minnir mig á að ég þarf að stytta gallabuxurnar mínar
- úrið mitt ( ég má ekki vera með það í vinnunni svo það hefur verið ofaní tösku í margar vikur
- 1 rauður penni
- 1 svartur blekpenni
- 1 rauður cars bíll ( lítill og mjög dældaður en það sést vel hvað hann er mikið elskaður og notaður)
- uppskrifablað ( súkkulaðikökuuppskrift öðru megin og brauðbollur með moxarellaosti hinumegin).
- budda með klinki
- 1 stimpill með blómálfi
- astmapúst
- hárklemma
- 1 bolur
- 3 hylki utan af implant
- plástur
- extrapakki ( með 1 tyggjói eftir, svei mér þá, af hverju var það ekki bara borðað síðast)
- 4 skrúfur, 1 nagli og einn reknagli
- miði úr apótekinu í vinnunni.... shit bara nammi á þessum strimli...
- 1 grænn skurðstofumaski
- 1 gul önd, kölluð Gabbaga og er besti vinur Björns Gylfa
- og síðast en ekki síst,
- 1 neongrænn gjafapoki ( af hverju er hann í töskunni minni ? Maðurinn minn var að taka til og tilkynnti að hann vissi ekkert hvar svona væri geymt..... hann stakk því ofan í töskuna....
jæja stelpur, hvað er í ykkar tösku ??
»
03.03.2009 21:35:20 / hallasg
... og það eru sko engar ýkjur. Í gær fór ástkær bíllinn minn, gamli Indíáninn í fóstur til svila míns. Og í staðinn er ég á öðrum jeppa sem í sjálfu sér er lúxusvandamál. Aftur á móti er alvöru vandamálið það að jeppinn minn er semsé í tilvistarkreppu og á í örlitlum vandræðum með sjálfsmynd sína. Hann vill semsé vera bátur og hegðar sér mjög í þá átt.  Við þekkjumst ekki mikið, ég og þessi ágæti bíll, höfum hittst annað slagið í ár og yfirleitt bara svona einn og einn rúnt þegar flytja hefur þurft hluta af búslóðinni ( og ójá, það hefur verið gert nokkrum sinnum á undanförnu ári). Allavega, fótgönguliðinn ( isuzu trooper) er eitthvað hálf óstöðugur á dekkjunum og fjaðrar óheyrilega vel í aðra áttina. Svo þegar svíðingurinn Halla settist undir stýri í morgun og hélt eins og fín kona til vinnu í morgun bjóst ég engan veginn við að þurfa sjóveikistöflur mér til aðstoðar til að komast með morgunkaffið í maganum alla leið niður í vinnu. En, svei ó svei. Við lulluðum okkur af stað úr Grafarvoginum í morguntraffíkinni í morgun í hálku og fíneríi var hann voða falskur við mig fyrst og þóttist vera þægur. Þ.e.a.s. alveg þar til ég þurftir að taka beygju á ljósum hérna rétt hjá. Þá kom fokking (afsakiði orðbragðið ) Titanic eðli hans í ljós.... Bara það eitt að sjá snjóþakinn kant á umferðareyju setti hann alveg upp af standinum og hann byrjaði að dansa á veginum, eins og til að segja; "hjálp, hjálp, ísjaki, ísjaki!" Urrr, mér tókst að hemja hann og þar sem næstu kílómetrar voru beinn kafli var hann til friðs. Alveg þangað til ég þurfti svo að beygja af Miklubrautinni inn á Grensásveginn.... Ég er ekki að ýkja, hann fór, held ég, næstum því að grenja, bölvuð druslan á honum, gekk ferlega undarlega og tilkynnti svo með mjög ákveðnu látbragði að hann væri bátur... og dugga dugg þarna skautaði ég eins og skelfingu lostinn brjálæðingur eftir Grensásstubbnum sem ég þarf að fara þar til ég gat beygt upp í Fellsmúlann... og ég get lofað ykkur því.... á sjónum eru engin svona hvít og fín strik á miðjunni sem segja þér hvar þú átt að sigla.... minn bíll vissi það og duggaði þess vegna bara einhversstaðar, örlítið upp á umferðareyju og þaðan aftur yfir á kantinn hinumegin og svo vííí aftur yfir á eyjuna og svo aðeins að kíkja á hina akreinina... Þarna var sjóriðan farin að gera vel vart við sig hjá bílstóranum/skipstjóranum og ég hékk bara á stýrinu eins og gömul og blaut borðtuska. Þegar við komumst svo inn á bílastæðið í vinnunni og ég læsti skrattakollinum er ég ekki frá því að hann hafi kastað akkerum....ótætið á honum.
»
14.01.2009 20:21:11 / hallasg
... ég er líka á þeirri skoðun að ævinni sé öfugt farið. Þetta væri snilld.
The most unfair thing about life is the way it ends. I mean, life is tough. It takes up a lot of your time. And then you die. What's that? A bonus? I think the life-cycle is all backwards. You should die first and get it all over with. Then you live in an old age home. You get kicked out when you're too young. You get a gold watch. You go to work. You work forty years until you're young enough to enjoy your retirement. You do drugs, alcohol and party. You get ready for high school. You go to grade school and become a kid. You play. You have no responsibilities. You become a little baby & go back into the womb. You spend your last nine months floating... Then, you finish off as an orgasm. I like it.Andy Rooney
eða á íslensku....
Það ósanngjarnasta í öllu lífinu er hvernig það endar. Ég meina, lífið er púl. Það tekur allan þinn tíma. Og svo deyrðu bara. Hvað á það að þýða ? Er það rúsínan í pylsuendanum ? Ég held að lífshlaupið sé alveg öfugt. Þú ættir að byrja lífið á því að deyja og koma því frá. Svo býrðu á elliheimili. Þér er svo sparkað þaðan þegar þú verður of ungur. Þú færð gullúrið. Þú ferð í vinnuna. Þú vinnur baki brotnu í 40 ár þar til að þú ertu nógu ungur til að njóta eftirlaunanna. Þú prófar fíkniefni, drekkur og skemmtir þér. Svo gerirðu þig kláran til að fara í skóla. Þú ferð í grunnskóla og verður barn. Þú leikur þér, berð enga ábyrgð og hefur engar áhyggjur. Svo verðurðu ungarbarn og ferð í móðurkvið. Eyðir síðustu 9 mánuðunum fljótandi... Og svo líkurðu lífinu sem fullnæging. Frábært.
»
11.01.2009 23:48:34 / hallasg
... andsk... kerfi. Nú er ég að reyna að setja "stóra" bloggið inn í 4 sinn. Við skulum vona að þetta lukkist núna, annars gefst ég upp.
Þetta verður bloggið sem heitir vítin til að varast, bara svo að þið eigið möguleika á að gera ekki sömu mistök og ég. Þetta snýr að sjálfsögðu að húsbyggingum og öllu sem því tengist.
Ef þið hafið fengið úthlutað lóð, leitið þá beint til geðlæknis, eða annarra slíkra fagmanna. Geðlæknar eru bestir þar sem þeir geta skrifað upp á lyf sem eru nauðsynleg til að sleppa sæmilega í gegnum ferlið sem nú fer í hönd.
Næst, eftir góðan skammt af taugaslakandi, ásamt góðum kokteil af kæruleysislyfi og hjartastyrkjandi er gott að fara í BYKO og leigja sér plankastrekkjara. Í hann þurfið þið svo að leggjast og láta teygja ykkur og toga í allar áttir. Það er einfaldlega til að auka þanþolið á taugar ykkar, bara svona "til að lina höggið" eða venja ykkur við það sem koma skal.
Þar næst þufiði að kaupa málningarhrærara til að festa framaná borvél og gúmmísleggju. Sleggjan notast til að lumbra á sjálfum sér í tíma og ótíma fyrir ótrúlega vitlausar hugmyndir. Málningarhræran nýtist síðar....
Nú er komið að veigamiklu atriði. Að finna fagmenn til að vinna verkin. Jahá, gúdd lökk segi ég nú bara. Þetta er bara svona eins og með veðrið, þetta skref byggist á heppni, meira en öðru, ég get lofað því. Það er eiginlega alveg óhætt að sleppa því að spekúlera í fyrri verkum þessara manna, annað hvort hafa þeir þetta í sér, eru þrælduglegir, skynsamir, heiðarlegir, útsjónasamir og vandvirkir EÐA EKKI. ( Við héldum að við værum svo varkár og vandvirk, skoðuðum verk sem þessir dúddar höfðu gert, arkitektinn, verkfræðingarnir og verktakin. Önnur verk litu vel út, það vantaði ekki, við klikkuðum einfaldlega á að tala við einhverja sem höfðu keypt af þeim verkin !!) 
No. 1. Ekki velja arkitekt, veljiði byggingatæknifræðing. Með því spariði ykkur nefnilega mikilvægt atriði. Arkitekt teiknar eitthvað, hann segir ekkert um hvort að hluturinn er framkvæmanlegur í raunheimi, hvorki byggingafræðilega né kostnaðarlega séð. En þetta er örugglega allt hægt í MATRIX. Og annað sem er óumflýjanlegt ef arkitekt er valin eru verkfræðingar til að reikna úr burðarþol. Þeir sem við fengum höfðu sennilega orðið fyrir einhverskonar óhappi við að klóra sér í eyranu með borvél því að önnur eins ólukka og ótrúlegir útreikningar hafa ekki orðið til síðan ég var í stærðfræði hérna í gamla daga.
Byggingatæknifræðingurinn teiknar hins vegar hagkvæmt, einfaldari stíl, minni krúsídúllur og þar af leiðandi hagstæðara fyrir bankabókina og það sem meira er, hann veit nákvæmlega hvað er framkvæmanlegt burðarþolslega séð. Á endanum sennilega 3svar sinnum fljótlegar en hin leiðin, fyrir utan að vera ódýrari.
Nú svo er komið að því að velja hvort að húskofinn á að vera staðsteyptur eða í forsteyptum einingum. Ég hef ekkert vit á því, við erum með einingar, voða fljótlegt.... EF ÞÚ ERT EKKI MEÐ GÚBBÍFISK að setja það upp... urrrrrrr.
Nú svo er komið að pípara og rafvirkja, mjög mikilvægir póstar, og þá mjög mikilvægt að hvorugur sé að flytja úr landi áður en verkinu er lokið....say no more.
nei svona án gríns, eftir prósess sem hófst þegar ég var ólétt af stráknum, þá sátum við í nokkur skipti hjá arkitektinum, og þangað til núna er húsið ekki almennilega klárt. Við erum búin að gefast upp á iðnaðarmönnunum okkar, og erum núna með góðri aðstoð allra verkfærra einstaklinga í fjölskyldunni að komast á lokastig á neðri hæðinni.... bráðum. Strákurinn, sem var ófæddur þegar þessar setur voru hjá arkitektinum verður 3. ÁRA 4 febrúar hehehhe..... vívívívívív´viííííí á einhver VALÍUM ????
»
09.01.2009 09:18:57 / hallasg
... meira seinna í dag !
»
02.01.2009 11:20:59 / hallasg
... 16 nytsamar staðreyndir ( mjög mis-nytsamar samt ) 1. Ef þú öskrar í 8 ár, 7 mánuði og 6 daga býrðu til næga orku til að hita einn kaffibolla... vá hvað ég yrði geðvond maður... 2. Ef þú rekur stanslaust við í 6 ár og 9 mánuði myndast gas sem jafngildir krafti atómsprengju... úlllallla það er rosalega mikill lakkrís maður, eða rúgbrauð... ætli Japanir viti af þessu ? 3. Fullnæging svína stendur yfir í 30 mínútur ! Thats it, ég heimta að vera svín í næsta lífi ! 4. Ef þú lemur hausnum í vegg brennir þú 150 kaloríum á klukkutíma. ( Hvað kostar mánaðarkort í líkamsrækt ?) 5. Menn og höfrungar eru einu tegundirnar sem stunda kynlíf sér til sér til skemmtunar. (Þá vitum við af hverju Flipper er alltaf skælbrosandi !) 6. Sterkasti vöðvi líkamans er tungan... ahhhaaa ég veit he he 7. Rétthentir lifa að meðaltali 9 árum lengur en örfhentir... ( ef þú ert jafnvígur á báðar hlýturðu að deila með tveimur... eða hvað?) 8. Maur getur lyft 50-faldri þyngd sinni, togað 30-falda þyngd sína og þeir falla alltaf á hægri hliðina þegar þeir verða of drukknir... Hver komst að þessu ? Greiddu skattgreiðendur fyrir þessa rannsókn eða var hún gerð af ÁTVR ? 9. Ísbirnir eru örfhentir, nú þar fóru 9 ár frá hverjum þeirra í súgjinn ! 10. Leirgeddan ( já já fiskurinn) er með 27.000 bragðkirtla. Hvað er svona gott í sjónum eða vötnunum að þetta getir verið nauðsynlegt ? 11. Flóin getur stokkið 350 falda lengd sína, það er svona svipað og ef maður gæti stokkið yfir fótboltavöll... ( Eru framleiddir Nike Air fyrir flær ?) 12. Kakkalakki getur lifað í 9 daga án höfuðsins á sér áður en hann sveltur í hel... (hann finnur ekki munninn á sér !) 13. Sum ljón eðla sig 50 sinnum á dag. ( ég vil samt frekar vera svín- gæði umfram magn...) 14. Fiðrildi eru með bragðlaukana í fótunum... vá hvað þau eru heppin að þurfa ekki að vera í skóm ! bjakk ! Það væri ægilegt ! 15. Augu strútsins eru stærri en heilinn... he he ég þekki svoleiðis fólk ! 16. Stjörnufiskar hafa engann heila... æji ég þekki svoleiðis fólk líka !
»
01.01.2009 03:50:00 / hallasg
Megi árið 2009 verða okkur öllum gott.
»
11.12.2008 22:42:36 / hallasg
When a banker jumps out of a window, jump after him -- that's where the money is.
Nú vil ég bara vita, í hvaða átt fóru þeir ?
»
06.12.2008 16:15:17 / hallasg
... situr maður í svörtum jakkafötum. Honum leiðist þvílík ósköp og vorkennir sjálfum sér svolítið því honum finnst eiginlega allur heimurinn vondur við sig og skilur engan veginn af hverju. Hann snýr sér fram og til baka í stólnum sínum, sko, þarna æðir Faxaflóinn, vííí, og svo í hina áttina, vííí aftur. Hann gerir þetta nokkrum sinnum áður en honum verður örlítið bumbult svo hann ákveður að hætta. Hann laumar sér úr skónum undir skrifborðinu og vingsar fótunum fram og til baka og tautar með sjálfum sér" what to do, what to do ?" Hann er búin að drekka meira en nóg af tei og nennir því ekki lengur því það útheimtir ótal. ótal klósettferðir og þá þyrfti hann að troða sér í skóna til að fara fram. "Ó mig auman," tautar hann við sjálfan sig, "méééééér leiðist svoooooooo". Þar sem hann lítur enn út um gluggann dettur honum snjallræði í hug. "Það er náttúrulega best að púrra aðeins upp í þessu liði hérna fyrir utan hallarmúrana," hugsar hann, "þau hafa bara gott af því að láta pumpuna taka nokkur auka slög." Og svo slær hann inn númer hjá manni sem gefur honum númer hjá öðrum manni sem starfaði áður sem blaðamaður fyrir smáblað hjá nágrannaþjóð. " Bent, min gamle ven, det er jeg...." og í smástund spjalla þeir um daginn og veginn, danskan landbúnað, íslenskan fjármálalandbúnað og svo vindur okkar maður sér að efninu... Hann segir allt sem hann vill segja, bæði í gamni og fúlustu alvöru, og óskar þess innst inni að vera svona 20 árum yngri og allir vegir færir. Og hann veit að þetta litla spjall á eftir að leka nákvæmlega rétta boðleið inn á borð fréttastofa hérna heima og setja allt á endan, tja allavega þennan daginn.
" Tíhí", hugsar hann með sér," nú togna þau heldur betur á heila, híhí. Nú verða þau að bera af sér allt sem ég segist hafa sagt við þau, og enginn man hvort ég sagði eða sagði ekki..... " "Ojæja" hugsar hann svo, með höfuðið þungt af öllum leyndarmálunum sem hann þarf að geyma og má engum segja. " Ætli það sé ekki best að fara að koma sér heim ?" Hann strýkur með hægri klaufinni yfir hrokkinn, gráan hárlubbann og hugsar hvort hann geti skellt sér einhverstaðar í klippingu á leiðinni heimi. Akkúrat þá strýkur hann yfir hnýflana sem eru orðin fullvaxin horn og hugsar í smástund. Ó and...sjálfur, ég get ekki látið klippa mig fyrr en ég er allavega búin að láta Árna dýralækni stytta á mér hornin." Hann teygir báðar klaufirnar undir borðið og stingur litla halanum sem lafir niður úr vinstri buxnaskálmunni og hafið notið frelsisins ofan í svartann sokkinn. Svo treður hann afturklaufunum ofan í skóna og þrammar út í desemberkvöldið, með svarta skjalatösku og skjannahvíta samvisku ...
»
06.12.2008 16:11:00 / hallasg
»
30.11.2008 23:36:46 / hallasg
... eða semsé eftir 30 mínútur. Mér þykir vænt um 1.desember. Aðallega af því að Helgi bróðir á afmæli þann dag, og kona sem ég þekkti einu sinni, amma á Hól átti líka afmæli þann dag. Þegar ég var krakki var margt gott við þennan dag, Helgi bróðir átti afmæli sem þýddi alltaf að maður fékk köku og hann afmælisgjafir. Svo var þetta Fullveldisdagur Íslensku þjóðarinnar og við fengum frí í skólanum. Á þeim árum var þetta nokkurnveginn toppurinn á tilverunni, frí í skóla og tertur í eftirmat. Svo var hætt að halda upp á daginn sem skildi, ekkert frí en það var bara af því að við vorum svo upptekin af því að vera svo miklir Íslendingar og græða peninga að við máttum ekki vera að því að taka okkur frí og gefa frí. Og núna höfum við sennilega ekki einu sinni ástæðu framar til að halda upp á 1.des sem fullveldisdag. Erum við frjálst og fullvalda ríki ??
p.s. ég bakaði samt fyrir uppáhalds bróðir minn áðan, því fjandinn hafi það, hann skal þó allavega fá köku þessi elska. Til hamingju með afmælið á eftir elsku brósi !
»
17.09.2008 23:26:35 / hallasg
Huhhhh mín fór í blóðprufu í gær. Til að mæla hversu mikið blóð ég væri með. Það var nú fróðlegt !  Fyrir það fyrsta finnst mér vitlaust að tappa 2 glösum af blóði úr manneskju sem á ekki blóð til skiptanna. Og símtalið sem ég fékk í dag staðfesti það sem ég hélt, það fannst afskaplega lítið blóð í blóðinu úr mér..... .... í alvörunni, getur maður mögulega svindlaði í blóðprófinu ?
»
Síður: 1 2 3 ... 10
|
Heimsóknir
Í dag: 6 Alls: 56556
Dagatal
| júlí - 2010 | | S | M | Þ | M | F | F | L | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 | |
| Fyrri | Næsti |
Síðast innskráður
Ég var síðast inni þann 12 janúar
|